خەۋەرلەر

پارتىيەمىز بېكىتكەن ئۇلۇغۋار نىشانغا قاراپ باتۇرلۇق بىلەن ئىلگىرىلەيمىز

مۇھەررىر:پەرغانە غوپۇر|مەنبە:شىنجاڭ گېزىتى2018/01/14 16:17

  − مەركىزىي كومىتېتقا يېڭىدىن كىرگەن ئەزالار، كاندىدات ئەزالار ۋە ئۆلكە باشلىقى، مىنىستىر دەرىجىلىك ئاساسلىق رەھبىرىي كادىرلارنىڭ شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسى ۋە پارتىيە 19- قۇرۇلتىيىنىڭ روھىنى ئۆگىنىش، ئىزچىللاشتۇرۇش مۇھاكىمە كۇرسىدىن خاتىرە

     يېڭى يىل كىرىشى بىلەنلا ھەممە نەرسە يېڭىلاندى. مەركىزىي كومىتېتقا يېڭىدىن كىرگەن ئەزالار، كاندىدات ئەزالار ۋە ئۆلكە باشلىقى، مىنىستىر دەرىجىلىك ئاساسلىق رەھبىرىي كادىرلارنىڭ شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسى ۋە پارتىيە 19- قۇرۇلتىيىنىڭ روھىنى ئۆگىنىش، ئىزچىللاشتۇرۇش مۇھاكىمە كۇرسى 1- ئاينىڭ 5- كۈنىدىن 8- كۈنىگىچە مەركىزىي پارتىيە مەكتىپىدە ئۆتكۈزۈلدى. 1- ئاينىڭ 5- كۈنى چۈشتىن بۇرۇن ئۆتكۈزۈلگەن كۇرسنىڭ باشلىنىش مۇراسىمىدا باش شۇجى شى جىنپىڭ مۇھىم سۆز قىلىپ، جۇڭگوچە سوتسىيالىزمدا چىڭ تۇرۇش ۋە ئۇنى راۋاجلاندۇرۇشتا، پارتىيە قۇرۇلۇشىدىن ئىبارەت يېڭى ئۇلۇغ قۇرۇلۇشنى ئىلگىرى سۈرۈشتە، كۈلپەت ئېڭىنى كۈچەيتىپ، خەۋپ- خەتەردىن، خىرىستىن مۇداپىئەلىنىشتە باشتىن- ئاخىر بىردەك بولۇش قاتارلىق زور مەسىلىلەرنى چوڭقۇر شەرھلىدى.

  باش شۇجى شى جىنپىڭنىڭ مۇھىم سۆزى مۇھاكىمە كۇرسىدىكى كۇرسانتلار ئارىسىدا كۈچلۈك ئىنكاس قوزغىدى. سۆزنى ئاڭلاش، ئۆزلۈكىدىن ئۆگىنىشنى قانات يايدۇرۇش، گۇرۇپپىلارغا بۆلۈنۈپ مۇزاكىرە قىلىش، سىنىپ بويىچە پىكىر ئالماشتۇرۇش ئارقىلىق مەركىزىي كومىتېتقا يېڭىدىن كىرگەن ئەزالار، كاندىدات ئەزالار، ھەرقايسى ئۆلكە، ئاپتونوم رايون، بىۋاسىتە قاراشلىق شەھەرلەر ۋە شىنجاڭ ئىشلەپچىقىرىش- قۇرۇلۇش بىڭتۈەنى، مەركەز ۋە دۆلەت ئورگىنىدىكى مۇناسىۋەتلىك تارماقلارنىڭ ئاساسلىق مەسئۇللىرى، ئارمىيەدىكى ھەرقايسى چوڭ ئورۇنلار، مەركىزىي ھەربىي كومىتېت ئورگىنىدىكى ھەرقايسى تارماقلارنىڭ ئاساسلىق مەسئۇللىرى يېڭى دەۋر جۇڭگوچە سوتسىيالىزمىدا چىڭ تۇرۇپ ۋە ئۇنى راۋاجلاندۇرۇپ، جۇڭخۇا مىللىتىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنى ئىشقا ئاشۇرۇش ئىشەنچىسى ۋە ئىرادىسىنى تېخىمۇ كۈچەيتتى.

  كۇرسانتلار مۇنۇلارنى بىلدۈردى: باش شۇجى شى جىنپىڭنىڭ «5- يانۋار»دىكى مۇھىم سۆزىگە باشتىن- ئاخىر يۈكسەك غايە- ئېتىقاد، كۈچلۈك بۇرچ ۋە مەسئۇلىيەت، روشەن نەزەرىيەۋى خىسلەت، قويۇق خەلقچىل ھېسسىيات سىڭگەن بولۇپ، بۇ شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسى ۋە پارتىيە 19- قۇرۇلتىيىنىڭ روھىنى ئۆگىنىپ ئۆزلەشتۈرۈشتىكى ئەڭ ياخشى يېتەكچى ماتېرىيال. ئۇنىڭدا مەركىزىي كومىتېت ئەزالىرى ۋە يۇقىرى دەرىجىلىك رەھبىرىي كادىرلارغا بولغان غەمخورلۇق ۋە كۆيۈنۈش نامايان قىلىنغان ھەم يېڭى تەلەپلەر ئوتتۇرىغا قويۇلغان بولۇپ، كۆپچىلىك يادرونىڭ كۈچى، ھەقىقەتنىڭ كۈچى ۋە ئېتىقادنىڭ كۈچىنى چوڭقۇر ھېس قىلدى.

  بايراقنى كۆتۈرۈپ يۆنىلىشنى بېكىتىش ـــ جۇڭگوچە سوتسىيالىزمدا چىڭ تۇرۇش ۋە ئۇنى راۋاجلاندۇرۇشنىڭ خىتابنامىسى

  پارتىيەمىز خەلققە رەھبەرلىك قىلىپ، ئۇلۇغ ئىجتىمائىي ئىنقىلاب ئېلىپ بارغان 97 يىللىق تارىخقا ئىگە چوڭ پارتىيە بولۇش سۈپىتى بىلەن، بۇ مەيدان ئىجتىمائىي ئىنقىلابنىڭ ئاخىرقى غەلىبىسىنى قانداق قولغا كەلتۈردى؟ باش شۇجى شى جىنپىڭ سۆزىدە تەكىتلەپ مۇنداق دېدى: يېڭى دەۋر جۇڭگوچە سوتسىيالىزمى پارتىيەمىز خەلققە رەھبەرلىك قىلىپ ئېلىپ بارغان ئۇلۇغ ئىجتىمائىي ئىنقىلابنىڭ نەتىجىسى، شۇنداقلا پارتىيەمىز خەلققە رەھبەرلىك قىلىپ ئېلىپ بارغان ئۇلۇغ ئىجتىمائىي ئىنقىلابنىڭ داۋامى، ئۇنى ئىزچىل داۋاملاشتۇرۇشىمىز كېرەك. پارتىيەمىز يېڭى تارىخىي ئورۇندا پارتىيەنىڭ يېڭى دەۋردىكى تارىخىي بۇرچىنى ئىشقا ئاشۇرۇش ئۈچۈن، ئەڭ مۇھىمى جۇڭگوچە سوتسىيالىزم ئۇلۇغ بايرىقىنى ئېگىز كۆتۈرۈشى كېرەك.

  كۇرسانتلار باش شۇجى شى جىنپىڭنىڭ كۇرسنىڭ باشلىنىش مۇراسىمىدا قىلغان مۇھىم سۆزىنى چۆرىدەپ، 18 گۇرۇپپىغا بۆلۈنۈپ مۇزاكىرە قىلىپ پىكىر ئالماشتۇردى، ئۆز ئەمەلىيىتىگە بىرلەشتۈرۈپ تەسىراتى ۋە تونۇشىنى سۆزلىدى. مەركەزدىكى بىر قىسىم رەھبىرىي يولداشلارمۇ كۇرسانتلارنىڭ مۇزاكىرىسىگە قاتناشتى.

  ئىنتىزام تەكشۈرۈش- مەمۇرىي تەپتىش سىستېمىسىدىن كەلگەن بىر كۇرسانت مۇنداق دېدى: تارىخ ۋە رېئاللىق بىزگە بىر مەيدان ئىجتىمائىي ئىنقىلابنىڭ ئاخىرقى غەلىبىسىنى قولغا كەلتۈرۈش ئۈچۈن كۆپىنچە ھاللاردا ئۇزاق بىر تارىخىي جەريان كېتىدىغانلىقىنى ئېيتىپ بەردى. جۇڭگوچە سوتسىيالىزم ئاسماندىن چۈشمىگەن، ئۇ پارتىيە ۋە خەلق نۇرغۇن جاپا- مۇشەققەتنى بېشىدىن كەچۈرۈپ، كۆپلەپ بەدەل تۆلەپ قولغا كەلتۈرگەن قىممەتلىك نەتىجە. بۇنداق نەتىجىنى قولغا كەلتۈرۈش ئاسانغا توختىمىغان، ئۇنى ھەسسىلەپ قەدىرلىشىمىز كېرەك.

  بېسىپ ئۆتكەن مۇساپىمىزنى ئەسلەپ، باشقىلار بېسىپ ئۆتكەن مۇساپىگە سېلىشتۇرۇپ، ئىلگىرىلەش مۇساپىمىزگە نەزەر سېلىپ، ئۆزىمىزنىڭ قەيەردىن كېلىپ، قەيەرگە بارىدىغانلىقىمىزنى ئايدىڭلاشتۇرساقلا، نۇرغۇن مەسىلىنى چوڭقۇر تونۇپ، ئېنىق ئىگىلىيەلەيمىز.

  بىر كۇرسانت مۇنداق دېدى: يېڭى دەۋر جۇڭگوچە سوتسىيالىزمنىڭ يېڭى دەۋرى، قانداقتۇر باشقا يېڭى دەۋر ئەمەس. بىز قىينچىلىقلاردىن قورقماي، تاغ- داۋانلاردىن ئېشىش باسقۇچىدا تۇرۇۋاتىمىز، ھەر بىر جۇڭگولۇق جۇڭگوچە سوتسىيالىزمنىڭ قۇرغۇچىسى ھەم بەھرىلەنگۈچىسى. مەيلى ئىلگىرىلەش مۇساپىسىدە قانداق خەۋپ- خەتەر ۋە خىرىس، قىيىنچىلىق ۋە توسقۇنلۇققا ئۇچرايلى، جۇڭگوچە سوتسىيالىزم قۇرۇش غايىمىز ۋە ئىشەنچىمىزدىن تەۋرىنىشكە بولمايدۇ.

  جۇڭگوچە سوتسىيالىزم يېڭى دەۋرگە كىرىپ، 21- ئەسىردىكى ئىلمىي سوتسىيالىزم تەرەققىياتىنىڭ بايرىقىغا ئايلىنىۋاتىدۇ، ئۇ دۇنيا سوتسىيالىزمىنى گۈللەندۈرۈشنىڭ مۇستەھكەم تۈۋرۈكى بولۇپ قالدى.

  غەربىي رايوندىن كەلگەن بىر كۇرسانت مۇنداق دېدى: جۇڭگوچە سوتسىيالىزم قولغا كەلتۈرگەن ئۇلۇغ غەلىبە ئىلمىي سوتسىيالىزم ئۈچۈن قوشقان ئىجادىي، تارىخىي تۆھپە. بىز «تۆت ئىشەنچ»نى تېخىمۇ مۇستەھكەملەپ، يېڭى دەۋر جۇڭگوچە سوتسىيالىزمىنىڭ يېڭى غەلىبىسىنى قولغا كەلتۈرۈش ئۈچۈن بوشاشماي كۈرەش قىلىدىغان ئېتىقادنى پۇختا تۇرغۇزۇپ، ئىلمىي سوتسىيالىزمنىڭ يېڭى تەرەققىياتىغا تېخىمۇ زور تارىخىي تۆھپە قوشۇشىمىز كېرەك.

  ئىنقىلابچىلار مەڭگۈ قېرىمايدۇ.

  باش شۇجى شى جىنپىڭ سۆزىدە بىزگە سەمىمىي تەلىم بېرىپ: ئەسلىي مەقسەتنى ئۇنتۇماي، بۇرچنى ئەستە چىڭ ساقلاشتا ئۆزىمىزنىڭ كوممۇنىست، ئىنقىلابچى ئىكەنلىكىمىزنى ئۇنتۇماسلىقىمىز، ئىنقىلابىي روھنى يوقىتىپ قويماسلىقىمىز كېرەك، دېدى.

  كۆپچىلىك بىردەك مۇنداق دەپ قارىدى: پارتىيە ۋە دۆلەتنىڭ روناق تېپىشى، گۈللىنىشى ۋە ئەبەدىي ئەمىنلىكىنى ئىشقا ئاشۇرۇش ئۈچۈن، پۈتۈن پارتىيەدىكى يولداشلار ئىنقىلابىي روھ ۋە ئىنقىلابىي كۈرەش ئىرادىسىنى ساقلاپ، پارتىيەمىز خەلققە رەھبەرلىك قىلىپ 97 يىل ئېلىپ بارغان ئۇلۇغ ئىجتىمائىي ئىنقىلابنى داۋاملاشتۇرۇشقا جۈرئەت قىلىپ، غەلىبىدىن ھەرگىز مەغرۇرلانماي، مۇۋەپپەقىيەت ئالدىدا بوشىشىپ قالماي، قىيىنچىلىقتىن قورقماي، جۇڭگوچە سوتسىيالىزمنىڭ تېخىمۇ كۈچلۈك، تېخىمۇ قايىل قىلارلىق ھەقىقەت كۈچىنى تىرىشىپ نامايان قىلىشى كېرەك.

  ئۆزى ئۈستىدە ئىنقىلاب قىلىش ـــ پارتىيە قۇرۇلۇشىدىن ئىبارەت يېڭى ئۇلۇغ قۇرۇلۇشنى چوڭقۇر ئىلگىرى سۈرۈشنىڭ سەپەرۋەرلىك بۇيرۇقى

  «يېڭى دەۋردە جۇڭگوچە سوتسىيالىزمدا چىڭ تۇرۇش ۋە ئۇنى راۋاجلاندۇرۇشتىن ئىبارەت بۇ ئۇلۇغ ئىجتىمائىي ئىنقىلابنى ياخشى قىلىش ئۈچۈن، پارتىيەمىز دادىللىق بىلەن ئۆزى ئۈستىدە ئىنقىلاب قىلىپ، پارتىيەنى تېخىمۇ كۈچلۈك قىلىپ قۇرۇپ چىقىشى كېرەك». باش شۇجى شى جىنپىڭ كۇرسنىڭ باشلىنىش مۇراسىمىدا پارتىيە قۇرۇلۇشىدىن ئىبارەت يېڭى ئۇلۇغ قۇرۇلۇشنى ئىلگىرى سۈرۈشتە ئىزچىل بولۇشنىڭ ئىنتايىن مۇھىملىقىنى چوڭقۇر شەرھلەپ، ماركسىزملىق ھاكىمىيەت بېشىدىكى پارتىيەنىڭ ئۆزى ئۈستىدە ئىنقىلاب قىلىش جاسارىتى ۋە سىياسىي ئاڭلىقلىقىنى نامايان قىلدى.

  «پارتىيە ئۇزاق مۇددەت ھاكىمىيەت يۈرگۈزۈۋاتقان شارائىتتا ئۆزى ئۈستىدە ئىنقىلاب قىلىش روھى ئارقىلىق پارتىيە ئىچىدە ساقلىنىۋاتقان گەۋدىلىك مەسىلىلەرنى ھەل قىلىپ، يېڭى دەۋردە پارتىيە قۇرۇلۇشىدىن ئىبارەت يېڭى ئۇلۇغ قۇرۇلۇشنى ئىلگىرى سۈرۈشنىڭ نېگىزىنى تۇتتى». ئارمىيە سىستېمىسىدىن كەلگەن بىر كۇرسانت مۇنۇلارنى بىلدۈردى: پارتىيە قۇرۇلۇشىنى تۇتۇشتا ئىنقىلابىي روھ بولۇش- بولماسلىقنىڭ ئۈنۈمىمۇ ئوخشاش بولمايدۇ. پارتىيە 18- قۇرۇلتىيىدىن بۇيان، پارتىيە ئىچىدە ساقلانغان كونا ئىللەتلەرنىڭ بۇنداق ئۈنۈملۈك ھەل قىلىنىشىنىڭ ئاساسلىق سەۋەبى شۇكى، يولداش شى جىنپىڭ يادرولۇقىدىكى پارتىيە مەركىزىي كومىتېتى پۈتۈن پارتىيەدىكى يۇقىرى- تۆۋەن ھەممەيلەننى باشلاپ، ئۆزى ئۈستىدە ئىنقىلاب قىلىش روھىنى جارى قىلدۇرۇپ، تىغنى ئىچىگە قارىتىشقا، دادىللىق بىلەن ئۇستىخاننى قىرىپ زەھەرنى تازىلاشقا جۈرئەت قىلدى، ئەزىمەتلەرگە خاس جاسارىتىنى نامايان قىلدى.

  ئۆگىنىش، پىكىر يۈرگۈزۈش، مۇزاكىرە قىلىش، پىكىر ئالماشتۇرۇش... قىش پەسلىدە مەركىزىي پارتىيە مەكتىپى ھويلىسىنى قويۇق تەتقىقات كەيپىياتى قاپلىغانىدى. ياتاقلاردا كۇرسانتلار يېرىم كېچىگىچە ئۆزلۈكىدىن ئۆگىنىپ، گۇرۇپپىدا سۆزلەيدىغان نۇتقىنى تەييارلىدى، بەزى كۇرسانتلار نەچچە بەت كېلىدىغان نۇتۇق تېزىسى تەييارلىۋالدى.

  پارتىيەمىزنى ئومۇميۈزلۈك قاتتىق ئىدارە قىلىش ئۈچۈن جەزمەن «ھالقىلىق ئاز سانلىقلار»نى تۇتۇش كېرەك. باش شۇجى شى جىنپىڭ سۆزىدە يۇقىرى دەرىجىلىك رەھبىرىي كادىرلارغا «بەشتە قاتتىق بولۇش» تەلىپىنى، يەنى ئېتىقادتا، سىياسىيدا، مەسئۇلىيەتتە، ئىقتىداردا، ئىستىلدا قاتتىق بولۇشنى ئوتتۇرىغا قويدى.

  كۇرسانتلار بەس- بەستە مۇنۇلارنى بىلدۈردى: سۆزنى ئاڭلىغاندىن كېيىن چوڭقۇر تەربىيە ئالدۇق، چوڭقۇر تەسىرلەندۇق. «بەشتە قاتتىق بولۇش» پارتىيەنىڭ يۇقىرى دەرىجىلىك كادىرلار قوشۇنى قۇرۇلۇشىدىكى مۇھىم مەسىلىنى چىڭ تۇتقانلىق بولۇپ، كۈچلۈك رېئال قاراتمىلىققا ئىگە، چوقۇم كەم- كوتسىز سېلىشتۇرۇپ ئەمەلىيلەشتۈرۈش كېرەك.

  بىر كۇرسانت مۇنداق دېدى: ئەڭ مۇھىمى ئېتىقادتا قاتتىق بولۇش كېرەك، شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى دەستۇر، يېنىدىن ئايرىمايدىغان كىتاب، زۆرۈر كىتاب قىلىپ، ئۇنى چۈشىنىش، ئۆزلەشتۈرۈش، ئەمەلىيلەشتۈرۈشكە كۈچەپ، كاللىنى قوراللاندۇرۇش، خىزمەتلەرگە يېتەكچىلىك قىلىشتا ھەقىقىي ئىشلىتىش كېرەك. ئەڭ ئاساسلىقى سىياسىيدا قاتتىق بولۇش كېرەك، بايرىقى روشەن ھالدا سىياسىينى تەكىتلەش، باش شۇجى شى جىنپىڭنىڭ پارتىيە مەركىزىي كومىتېتى ۋە پۈتۈن پارتىيەنىڭ يادروسىلىق ئورنىنى قەتئىي قوغداش، پارتىيە مەركىزىي كومىتېتىنىڭ نوپۇزى ۋە مەركەزلەشكەن بىر تۇتاش رەھبەرلىكىنى قەتئىي قوغداش كېرەك.

  «تارىختا مۇنەۋۋەر كومپارتىيە ئەزالىرى ئارزۇسى ئۈچۈن بىر ئۆمۈر كۈرەش قىلغان، كاللا كېسىلسە كېسىلسۇنكى، قان تۆكۈلسە تۆكۈلسۇنكى، ئېتىقادنى ئۆزگەرتىشكە بولمايدۇ. ئېتىقاد مۇستەھكەم بولغاندىلا، پىداكارلىق كۆرسەتكىلى بولىدۇ؛ ئېتىقاد مۇستەھكەم بولغاندىلا، شېكەر يالىتىلغان زەمبىرەك ئوقىغا ئالدانمايمىز»، «كىچىك ئىشلاردا سىياسىي، يۆنىلىش، ئوبراز، ئىنسانىي پەزىلەت بار، <بەشتە قاتتىق بولۇش>نى چوقۇم كونكرېت ئىشلاردىن باشلاش كېرەك، ئىنچىكە، كىچىك نۇقتىلارغىچە ئەمەلىيلەشتۈرگەندىلا <بەشتە قاتتىق بولۇش>نى دەل جايىدا ئەمەلىيلەشتۈرگىلى بولىدۇ» ...

  گۇرۇپپا مۇھاكىمىسىدە كۇرسانتلار بەس- بەستە ئۆزى ھەققىدە ئويلىنىپ، «بەشتە قاتتىق بولۇش» تەلىپىگە ئاساسەن تونۇشىنى، تەپەككۇرىنى چوڭقۇرلاپ سۆزلىدى. كۆپچىلىك بىردەك مۇنداق بىلدۈردى: بۇ بىر قانچە كۈنلۈك مەركەزلىك ئۆگىنىش ئىدىيەنى يەنە بىر قېتىم بىرلىككە كەلتۈرۈش بولۇپلا قالماستىن، پارتىيەلىك جەھەتتىكى قايتا تەربىيەلىنىش بولدى.

  سەگەك، ئېغىر- بېسىق بولۇش ـــ  كۈلپەت ئېڭىنى كۈچەيتىش، خەۋپ- خەتەردىن، خىرىستىن مۇداپىئەلىنىش ئىقتىدارىنى ئۆستۈرۈشتىكى ئاگاھلاندۇرۇش دەرسى

  «ئىلگىرىلەش يولى ئوڭۇشلۇق بولۇۋەرمەيدۇ، نەتىجىگە ئېرىشكەنسېرى شۇنچە ئېھتىياتچان بولۇش، خاتىرجەم شارائىتتىمۇ خەۋپ- خەتەرنى ئويلايدىغان كۈلپەت ئېڭى بولۇش كېرەك، ئىستراتېگىيەلىك، ئەجەللىك خاتارلىقلارنى ھەرگىز سادىر قىلىشقا بولمايدۇ»، باش شۇجى شى جىنپىڭ سۆزىدە پۈتۈن پارتىيەگە كۈلپەت ئېڭىنى كۈچەيتىپ، خەۋپ- خەتەردىن، خىرىستىن مۇداپىئەلىنىشتە باشتىن- ئاخىر بىردەك بولۇش توغرىلىق چوڭقۇر ئاگاھلاندۇرۇش بەردى.

  تاسادىپىي ۋەقەلەرنىڭ سادىر بولۇشىنىڭ ئالدىنى ئېلىش ئۈچۈن ئالدىن تەييارلىق كۆرۈش كېرەك، بۇ ئەڭ ياخشى چارە.

  كۇرسانتلار ئۆزلىرىنىڭ خىزمەت ساھەسىگە بىرلەشتۈرگەن ئاساستا نۆۋەتتە ساقلىنىۋاتقان خەۋپ- خەتەر، خىرىسلارنى تەھلىل قىلىپ، سەۋەبىنى ئىزدەپ، تەدبىرلەرنى ئويلىشىپ، پىلانلىرىنى ئوتتۇرىغا قويدى.

  ئوتتۇرا قىسىم رايوندىن كەلگەن مەلۇم كۇرسانت مۇنداق دېدى: باش شۇجى شى جىنپىڭ سۆزىدە كۈچلۈك كۈلپەت ئېڭىنى ئوتتۇرىغا قويۇپ، بىزگە تولۇپ تاشقان ئىشەنچ بىلەن يېڭى مۇساپىنى باشلاش كېرەكلىكىنى، شۇنىڭ بىلەن بىللە، ئىلگىرىلەش مۇساپىمىزدىكى تۈرلۈك خەۋپ- خەتەردىن مۇداپىئەلىنىشىمىز كېرەكلىكىنى ئەسكەرتتى. مۇۋەپپەقىيەت ئالدىدا كاللىمىزنى ھەر ۋاقىت سەگەك تۇتۇشىمىز، ئۆتكەلگە ھۇجۇم قىلىپ، قىيىنچىلىقلارنى يېڭىشىمىز، تۆۋەن چەك تەپەككۇرىنى ساقلىشىمىز، جۇڭخۇا مىللىتىنىڭ ئۇلۇغ گۈللىنىش مۇساپىسىنى ئاستىلىتىدىغان، ئۈزۈپ قويىدىغان خاتالىقلارنى سادىر قىلماسلىقىمىز كېرەك.

  مەركەزدىكى دۆلەت ئورگىنىدىن كەلگەن بىر كۇرسانت مۇنداق دېدى:كۈلپەت ئېڭىنى ئىزچىل ساقلاپ، مەغرۇرلۇقتىن ۋە ئالدىراقسانلىقتىن مەڭگۈ ساقلىنىش بىر پارتىيەنىڭ پىشىپ يېتىلىشىنىڭ بەلگىسى، «ئۈچ چوڭ جەڭ»نىڭ ئىچىدىكى بىرىنچىسى دەل زور خەۋپ- خەتەردىن مۇداپىئەلىنىش ۋە ئۇنى تۈگىتىشتىن ئىبارەت، بۇ پۇل مۇئامىلە كىرىزىسىنى ئۆز ئىچىگە ئالىدۇ، پارتىيە 19- قۇرۇلتىيىنىڭ روھى ۋە مەركەز ئىقتىساد خىزمىتى يىغىنىنىڭ روھىغا ئاساسەن، سىستېما خاراكتېرلىك پۇل مۇئامىلە كىرىزىسى يۈز بېرىشىنىڭ قەتئىي ئالدىنى ئېلىپ، يەرلىك ھۆكۈمەتلەرنىڭ يوشۇرۇن قەرز قاتارلىق مەسىلىلىرىنى تەكشۈرۈش كېرەك.

  شەرقىي شىمالدىن كەلگەن بىر كۇرسانت مۇنداق دېدى: ئۆزىمىز تۇرۇشلۇق رايوندىكى خەۋپ- خەتەرنىڭ ئىپادىلىنىشى ۋە دەرىجىسىنى بىرمۇبىر تەتقىق قىلىپ ۋە باھالاپ، سەۋەبىنى بىرمۇبىر تەھلىل قىلىپ، يۆنىلىشىگە بىرمۇبىر ئالدىن ھۆكۈم قىلىپ، لايىھەنى بىرمۇبىر تۈزۈپ، بىرمۇبىر ھەل قىلىپ، خەۋپ- خەتەرنى بىخ ھالىتىدىلا ھەل قىلىش ياكى تەرەققىيات داۋامىدا تۈگىتىش ياكى كونترول قىلىش دائىرىسىدە كونترول قىلىپ، شارائىت يارىتىپ، پۇرسەت پىشىپ يېتىلگەندە ئاندىن ھەل قىلىشىمىز كېرەك. «قارا ئاققۇ» ۋەقەسى (مۆلچەرلەش قىيىن بولغان، بىنورمال ۋەقەلەر)دىن يۈكسەك دەرىجىدە ئېھتىيات قىلىشىمىز، «كۈلرەڭ كەركىدان» ۋەقەسى (دائىم يۈز بېرىدىغان، كىشىلەرگە ئادەت بولۇپ كەتكەن خەۋپ- خەتەرلەر)نىڭ ئالدىنى ئېلىشىمىز كېرەك.

  دەۋر سوئال چىقارغۇچى، بىز ئىمتىھان بەرگۈچى، خەلق سوئال تەكشۈرگۈچى.

  مەركىزىي كومىتېتقا يېڭىدىن كىرگەن بىر كۇرسانت مۇنداق دېدى: جۇڭگوچە سوتسىيالىزم يېقىنقى زامان جۇڭگو جەمئىيىتى تەرەققىياتىنىڭ مۇقەررەر تاللىشى، جۇڭگونىڭ زامانىۋىلاشتۇرۇشنى ئىشقا ئاشۇرۇشىنىڭ مۇقەررەر تاللىشى، خەلققە بەختىيار، گۈزەل تۇرمۇش يارىتىپ بېرىشىنىڭ مۇقەررەر تاللىشى، ئۇلۇغۋار پىلاننى ئىشقا ئاشۇرۇشتا ۋاقىت بىلەن بەسلىشىشىمىز كېرەك، دۆلەتنىڭ چوڭ ئىشلىرىدا چوقۇم ئەستايىدىل بولۇشىمىز كېرەك. ئۆزىنى بېغىشلاشتەك مەسئۇلىيەتچانلىق تۇيغۇسى بىلەن تۈرلۈك خىزمەتلەرنى چوقۇم ياخشى ئىشلىشىمىز، ۋاقىت ساقلاپ تۇرمايدۇ، ۋاقىت بىلەن بەسلىشىشىمىز كېرەك دەيدىغان روھ ئارقىلىق كەسىپكە چوقۇم ئۆزىمىزنى بېغىشلىشىمىز كېرەك.

  يېڭى دەۋرنىڭ بۇرغىسى چېلىندى، دۇمباق چېلىنىپ سەپەرگە ئاتلىنىشقا چاقىرىلدى.

  تۆت كۈن داۋاملاشقان مەخسۇس تېمىلىق مۇھاكىمە كۇرسى ئاخىرلاشتى، يېپيېڭى مۇساپە باشلاندى. كۇرسانتلار تېخىمۇ تولۇپ تاشقان قىزغىنلىق، تېخىمۇ قەتئىي ئىشەنچ بىلەن ئۆزلىرىنىڭ خىزمەت ئورنىغا قايتىپ، يېڭى نەتىجە ئارقىلىق يېڭى كەيپىياتنى نامايان قىلىپ، شى جىنپىڭنىڭ جۇڭگوچە سوتسىيالىزم ئىدىيەسى ۋە پارتىيە 19- قۇرۇلتىيىدا كۆرسىتىلگەن يۆنىلىشكە ئاساسەن، يېڭى دەۋر جۇڭگوچە سوتسىيالىزم ئىشلىرىنىڭ يېڭى ۋەزىيىتىنى ئۈزلۈكسىز يارىتىپ، پارتىيەمىز بېكىتكەن ئۇلۇغۋار نىشانغا قاراپ باتۇرلۇق بىلەن ئىلگىرىلىگۈسى.

(شىنخۇا ئاگېنتلىقى، بېيجىڭ، 9- يانۋار تېلېگراممىسى)

مەنبە: تەڭرىتاغ تورىدىن ئېلىندى.

پارتىيەنى ئومۇميۈزلۈك قاتتىق ئىدارە قىلىشنى تېخىمۇ چوڭقۇرلاشتۇرۇپ، يەنىمۇ ئىلگىرى سۈرەيلى

مۇھەررىر:مەۋلۈدە ئابلىز|مەنبە:شىنجاڭ گېزىتى2018/01/16 11:51

  ـــ باش شۇجى شى جىنپىڭنىڭ 19–نۆۋەتلىك مەركىزىي ئىنتىزام تەكشۈرۈش كومىتېتىنىڭ 2–ئومۇمىي يىغىنىدا قىلغان سۆزىنىڭ روھىنى ئۆگىنىش، ئىزچىللاشتۇرۇش توغرىسىدا(4)

  ‹‹خەلق گېزىتى›› ئوبزورچىسى

  ئۆزى ئۈستىدە دادىل ئىنقىلاب قىلىپ، پارتىيەنى قاتتىق باشقۇرۇش، قاتتىق ئىدارە قىلىش پارتىيەمىزنىڭ ئەڭ روشەن خىسلىتى؛ ئىستراتېگىيەلىك ئىرادىنى ساقلاپ، پارتىيەنى ئومۇميۈزلۈك قاتتىق ئىدارە قىلىشنى تېخىمۇ چوڭقۇرلاشتۇرۇش يېڭى دەۋردىكى پارتىيە قۇرۇلۇشىدىن ئىبارەت ئۇلۇغ قۇرۇلۇشنىڭ مۇقەررەر تەلىپى.

  ‹‹پارتىيەنىڭ سىياسىي قۇرۇلۇشى، ئىدىيەۋى قۇرۇلۇشى، تەشكىلىي قۇرۇلۇشى، ئىستىل قۇرۇلۇشى، ئىنتىزام قۇرۇلۇشىنى ئومۇميۈزلۈك ئىلگىرى سۈرۈپ، تۈزۈم قۇرۇلۇشىنى ئۇنىڭغا سىڭدۈرۈش كېرەك››، ‹‹چىڭ تۇرۇش ئاساسىدا چوڭقۇرلاشتۇرۇپ، چوڭقۇرلاشتۇرۇش ئاساسىدا تەرەققىي قىلدۇرۇپ، پارتىيەنىڭ ئىچكى سىياسىي ئېكولوگىيەسىنى تۈپتىن ياخشىلاشنى ئىشقا ئاشۇرۇپ، پارتىيەنىڭ ئىجادچانلىقى، ئۇيۇشقاقلىقى، جەڭگىۋارلىقىنى ئۈزلۈكسىز كۈچەيتىش كېرەك››. 19 – نۆۋەتلىك مەركىزىي ئىنتىزام تەكشۈرۈش كومىتېتىنىڭ 2 – ئومۇمىي يىغىنىدا، باش شۇجى شى جىنپىڭ ھازىر ۋە بۇنىڭدىن كېيىنكى بىر مەزگىلدە پارتىيەنى ئومۇميۈزلۈك قاتتىق ئىدارە قىلىشتىكى ئومۇمىي تەلەپ ۋە ئاساسلىق ۋەزىپىلەرنى سىستېمىلىق بايان قىلىپ، يېڭى دەۋردە پارتىيەنى ئومۇميۈزلۈك قاتتىق ئىدارە قىلىشنى ئىلگىرى سۈرۈشنى تىرىشىش يۆنىلىشى، ئاساسىي مىزان ۋە چارە، يول بىلەن تەمىنلىدى. باش شۇجى شى جىنپىڭنىڭ مۇھىم سۆزىنىڭ روھىنى ئۆگىنىش ۋە ئىزچىللاشتۇرۇش ئۈچۈن، يۈك – تاقنى قايتا رەتلەپ، ئاندىن يولغا چىقىدىغان روھىي ھالەتنى ساقلاپ، ‹‹ھەرگىز توختاپ قالمايدىغان›› ئىرادە، ‹‹توختىتىپ قويمايدىغان›› جاسارەت بىلەن پارتىيەنى ئومۇميۈزلۈك قاتتىق ئىدارە قىلىشنى ئىلگىرى سۈرۈشنى ئاساسىي قاتلامغا كېڭەيتىپ، چوڭقۇر راۋاجلاندۇرۇشىمىز كېرەك.

  پارتىيەنى ئومۇميۈزلۈك قاتتىق ئىدارە قىلىشنى تېخىمۇ چوڭقۇرلاشتۇرۇش ئۈچۈن، پارتىيەنىڭ سىياسىي قۇرۇلۇشىنى يېتەكچى قىلىشتا چىڭ تۇرۇپ، كوممۇنىستلارنىڭ سىياسىي روھىنى مۇستەھكەملىشىمىز كېرەك. بايرىقى روشەن ھالدا سىياسىينى تەكىتلەش پارتىيەمىزنىڭ ماركسىزملىق سىياسىي پارتىيە بولۇشىدىكى تۈپ تەلەپ. نۇرغۇن ئەمەلىيەت شۇنى كۆرسىتىپ بەردىكى، پارتىيە ئىچىدە ساقلىنىۋاتقان تۈرلۈك مەسىلىلەر تۈپتىن ئېيتقاندا، سىياسىي قۇرۇلۇش ئاجىز بولۇش، سىياسىي تۇرمۇش كەسكىن بولماسلىق، ساغلام بولماسلىق بىلەن مۇناسىۋەتلىك. دەل شۇنداق بولغاچقا، پارتىيەنىڭ سىياسىي قۇرۇلۇشى پارتىيەمىزنىڭ تۈپ قۇرۇلۇشى بولۇپ، ئۇ پارتىيە قۇرۇلۇشىنىڭ يۆنىلىشى ۋە ئۇنىڭ ئۈنۈمىنى بەلگىلەيدۇ. بۇ بىزدىن پارتىيە مەركىزىي كومىتېتىنىڭ نوپۇزى ۋە مەركەزلىك بىر تۇتاش رەھبەرلىكىنى قوغداشنى مۇھىم ۋەزىپە قىلىپ، پارتىيەگە سادىق بولۇشنى شەرتسىز سىياسىي ئۆلچەم ۋە ئەمەلىي ئۆلچەم قىلىشنى؛ كوممۇنىزم ئۇلۇغۋار غايىسى ۋە جۇڭگوچە سوتسىيالىزم ئورتاق غايىسىدە چىڭ تۇرۇپ، غايە – ئېتىقادنى قەلبىمىزدىكى ھەقىقىي ماياكقا ئايلاندۇرۇشىمىزنى؛ پارتىيە نىزامنامىسىگە ھۆرمەت قىلىپ، سىياسىي ئېكولوگىيەنى ساپلاشتۇرۇپ، ‹‹يەتتە ئىللەت››نى تۈگىتىپ، كەسكىن، ئەستايىدىل بولغان پارتىيە ئىچىدىكى سىياسىي تۇرمۇشتا پارتىيەۋىلىك جەھەتتىكى چېنىقىشنى كۈچەيتىشىمىز، سىياسىي ئىقتىدارىمىزنى قاتتىق تاۋلىشىمىزنى تەلەپ قىلىدۇ.

  پارتىيەنى ئومۇميۈزلۈك قاتتىق ئىدارە قىلىشنى تېخىمۇ چوڭقۇرلاشتۇرۇش ئۈچۈن، تۈزۈم قۇرۇلۇشىنى ئۇنىڭغا سىڭدۈرۈپ، ھادىسىدىنمۇ، ماھىيەتتىنمۇ تۈزەپ، ئۇنى ئۇزاققىچە داۋاملاشتۇرۇشىمىز كېرەك. ‹‹قانۇن – ئىنتىزاملا بولسا، ئىدارە قىلغىلى بولمايدىغان ئەل، باشقۇرغىلى بولمايدىغان پۇقرا يوق››. تۈزۈم ئومۇمىيلىق، تۇراقلىققا ئىگە بولۇپ، نېگىزىدىن باشقۇرالايدۇ، ئۇزاققىچە باشقۇرالايدۇ. پارتىيەنى ئومۇميۈزلۈك قاتتىق ئىدارە قىلىشنى پەقەت تۈزۈم يولىغا سالغاندىلا، ئاندىن بېشى بار، ئايىغى يوق بولۇپ قېلىشتىن ساقلىنىپ، ئۇزاققىچە داۋاملاشتۇرغىلى بولىدۇ. پارتىيە بىلەن خەلقنىڭ قان بىلەن گۆشتەك مۇناسىۋىتىنى ساقلاشتىن ئىبارەت بۇ ئاچقۇچنى چىڭ تۇتۇپ، مەركەزنىڭ سەككىز تۈرلۈك بەلگىلىمىسىنىڭ روھىنى قەتئىي ئەمەلىيلەشتۈرگەندىلا، ئاندىن ئۇنى جايىدا، ئۈنۈملۈك باشقۇرۇپ، ئادەتكە ئايلاندۇرغىلى بولىدۇ؛ قاتتىق ئىنتىزام ئارقىلىق پۈتۈن پارتىيەنى باشقۇرۇپ، پۈتۈن پارتىيەنى قاتتىق ئىدارە قىلىپ، ئىستىلنى تۈزەش – چىرىكلىككە قارشى تۇرۇشنى ھەممە كىشىنىڭ مەسئۇلىيىتىگە ئايلاندۇرغاندىلا، ئاندىن پولاتتەك ئىنتىزامنى پارتىيە ئەزالىرى، كادىرلار ئاڭلىق ئەمەل قىلىدىغان مىزانغا ئايلاندۇرغىلى بولىدۇ؛ ھادىسىدىنمۇ، ماھىيەتتىنمۇ تۈزەشنى چوڭقۇرلاشتۇرۇپ، مەنپەئەت زەنجىرىنى ئۈزۈۋەتكەندىلا، ئاندىن چىرىكلىشىشكە پېتىنالمايدىغان، چىرىكلىشەلمەيدىغان، چىرىكلىشىشنى ئويلىمايدىغان نىشانغا يەتكىلى بولىدۇ؛ پارتىيە ۋە دۆلەتنىڭ نازارەتچىلىك سىستېمىسىنى مۇكەممەللەشتۈرگەندىلا، ئاندىن ئومۇميۈزلۈك، يوچۇقسىز، قىلچە يول قويمايدىغان ئۆزىنى تازىلاش مېخانىزمىنى شەكىللەندۈرگىلى بولىدۇ.

  پارتىيەنى ئومۇميۈزلۈك قاتتىق ئىدارە قىلىشنى تېخىمۇ چوڭقۇرلاشتۇرۇش ئۈچۈن، پارتىيە خاتىرجەم بولىدىغان، خەلق ئىشىنىدىغان ئىنتىزام تەكشۈرۈش، مەمۇرىي تەپتىش كادىرلىرى قوشۇنى قۇرۇپ چىقىش كېرەك. ئىنتىزامنى ئىجرا قىلغۇچىلار ئاۋۋال ئۆزى ئىنتىزامغا رىئايە قىلىشى، ئاۋۋال ئۆزىگە قاتتىق تەلەپ قويۇشى كېرەك. ئىنتىزام تەكشۈرۈش ئورگىنى پارتىيە ئىچىدىكى ‹‹ئىنتىزام قىسىمى››. ئۇلار پارتىيە ئىنتىزامى ۋە سىياسىي ئىنتىزامنى قوغدايدىغان مۇھىم مەسئۇلىيەتنى زىممىسىگە ئالغان، ئۇلارنىڭ ساپاسى، ئىقتىدارى ۋە ئىستىلى پارتىيەنى ئومۇميۈزلۈك قاتتىق ئىدارە قىلىشنىڭ ئۈنۈمى بىلەن بىۋاسىتە مۇناسىۋەتلىك. پارتىيەنى ئومۇميۈزلۈك قاتتىق ئىدارە قىلىشنى چوڭقۇر ئىلگىرى سۈرۈش يېڭى خىرىسلارغا دۇچ كەلگەنسېرى، ئىنتىزام تەكشۈرۈش، مەمۇرىي تەپتىش كادىرلار قوشۇنىنىڭ پارتىيە ئىنتىزامى ۋە سىياسىي ئىنتىزامنىڭ سادىق قوغدىغۇچىسىغا، چىرىكلىكنى قاتتىق جازالايدىغان پولات مۇشتقا ئايلىنىشىغا، پارتىيە ۋە خەلق بەرگەن ھوقۇقنى قالايمىقان ئىشلەتمەي، يامان ئىشلارنى تۈگىتىپ، ياخشى ئىشلارنى جارى قىلدۇرۇپ، شەمشەرگە مەڭگۈ داغ قوندۇرماسلىقىغا كاپالەتلىك قىلىش كېرەك.

   ئۆزىنى ئۆزى نازارەت قىلىش دۆلەتنى ئىدارە قىلىشتىكى يەر شارى خاراكتېرلىك قىيىن تېما. بىز ھەرىكىتىمىز ئارقىلىق ‹‹گەمىدىكى سوئال››لارغا جاۋاب بېرىپ، جۇڭگو كوممۇنىستلىرى ئۆزىنى ئۆزى تازىلايدىغان ‹‹قالتىس ماھارەت›› يېتىلدۈرۈشىمىز كېرەك. پارتىيەنى ئومۇميۈزلۈك قاتتىق ئىدارە قىلىشنى ئۈزلۈكسىز چوڭقۇرلاشتۇرىدىغانلا بولساق، تۈزۈم ئەۋزەللىكىنى ئىدارە قىلىش ئۈنۈمىگە ئايلاندۇرۇپ، ئومۇميۈزلۈك ھاللىق جەمئىيەت قۇرۇپ چىقىشتا ھەل قىلغۇچ غەلىبە قىلىپ، ئومۇميۈزلۈك سوتسىيالىستىك زامانىۋىلاشقان دۆلەت قۇرۇپ چىقىشنى كۈچلۈك كاپالەت بىلەن تەمىنلىيەلەيمىز.

  (شىنخۇا ئاگېنتلىقى، بېيجىڭ، 1 – ئاينىڭ 15 – كۈنى تېلېگراممىسى)

مەنبە: تەڭرىتاغ تورىدىن ئېلىندى.

پارتىيەنى ئومۇميۈزلۈك قاتتىق ئىدارە قىلىشتا قەتئىي تەۋرەنمەي چىڭ تۇرۇپ، ئۇنى ئۇزاققىچە داۋاملاشتۇرايلى

مۇھەررىر:ئامانگۈل ئابدۇراخمان|مەنبە:شىنجاڭ گېزىتى2018/01/15 16:00

  __ باش شۇجى شى جىنپىڭنىڭ 19–نۆۋەتلىك مەركىزىي ئىنتىزام تەكشۈرۈش كومىتېتىنىڭ 2–ئومۇمىي يىغىنىدا قىلغان سۆزىنىڭ روھىنى ئۆگىنىش، ئىزچىللاشتۇرۇش توغرىسىدا(3)

  ‹‹خەلق گېزىتى›› ئوبزورچىسى

  چىڭ تۇرمىسا چوڭقۇرلاشتۇرغىلى، چوڭقۇرلاشتۇرمىسا چىڭ تۇرغىلى بولمايدۇ، پارتىيەنى ئومۇميۈزلۈك قاتتىق ئىدارە قىلىش مەڭگۈ داۋاملىشىدۇ.

  ‹‹بىز مەسىلە يۆنىلىشىدە چىڭ تۇرۇپ، ئىستراتېگىيەلىك ئىرادىنى ساقلاپ، <قانچە جاپالىق بولغانسېرى شۇنچە ئىلگىرىلەيدىغان> قەھرىمانلىق جاسارىتى ۋە <تار يولدا ئۇچراشقاندا ئەزىمەتلەر غالىب كېلىدىغان> كۈرەش روھىنى قەتئىي تەۋرەنمەي داۋاملاشتۇرۇشىمىز كېرەك››. 19 – نۆۋەتلىك مەركىزىي ئىنتىزام تەكشۈرۈش كومىتېتىنىڭ 2 – ئومۇمىي يىغىنىدا، باش شۇجى شى جىنپىڭ مەسىلە يۆنىلىشىدە چىڭ تۇرۇپ، پارتىيە دۇچ كەلگەن خەۋپ – خەتەر ۋە خىرىسنى چوڭقۇر تەھلىل قىلىپ، پارتىيەنى ئومۇميۈزلۈك قاتتىق ئىدارە قىلىشتىكى ئىستراتېگىيەلىك ئىرادىنى ئىزچىل ساقلاشنى ئېنىق تەلەپ قىلدى. بۇ مۇھىم سۆز يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ پارتىيەنى ئومۇميۈزلۈك قاتتىق ئىدارە قىلىشتىكى قەتئىي تەۋرەنمەيدىغان روشەن پوزىتسىيەسى ۋە قەتئىي ئىرادىسىنى تولۇق ئىپادىلەپ، پۈتۈن پارتىيەنىڭ ‹‹تۆت ئاڭ››نى پۇختا تۇرغۇزۇشى، ‹‹تۆتكە بويسۇنۇش››قا قاتتىق ئەمەل قىلىشى، يېڭى دەۋردىكى پارتىيە قۇرۇلۇشىنىڭ ئومۇمىي تەلىپىنى چوڭقۇر ئىزچىللاشتۇرۇشى ۋە ئەمەلىيلەشتۈرۈشىنى مۇھىم قوللانما بىلەن تەمىنلىدى.

  پارتىيەمىز قاچانكى قۇدرەت تېپىپ كۈچەيسە، شۇ چاغدا پارتىيە ۋە خەلق ئىشلىرى ئومۇميۈزلۈك ئۇتۇق قازىنىدۇ. جۇڭگوچە سوتسىيالىزم يېڭى دەۋرگە كىردى، پارتىيە قۇرۇلۇشى ۋەزىپىسى ئىنتايىن مۈشكۈل. پارتىيەنى ئومۇميۈزلۈك قاتتىق ئىدارە قىلىشقا ياخشى ئاساس سېلىنىپ، چىرىكلىككە قارشى تۇرۇش كۈرىشىدە مۇتلەق ئۈستۈنلۈك ۋەزىيىتى شەكىللەنگەن ھەم مۇستەھكەملىنىپ تەرەققىي قىلغان بولسىمۇ، لېكىن شۇنىمۇ كۆرۈش كېرەككى، پارتىيەمىز دۇچ كەلگەن ھاكىمىيەت يۈرگۈزۈش مۇھىتى يەنىلا مۇرەككەپ، پارتىيەنىڭ ئىلغارلىقىغا تەسىر يەتكۈزىدىغان، پارتىيەنىڭ ساپلىقىنى ئاجىزلاشتۇرىدىغان ئامىللارمۇ مۇرەككەپ، پارتىيە ئىچىدە ساقلىنىۋاتقان ئىدىيە ساپ بولماسلىق، تەشكىلات ساپ بولماسلىق، ئىستىل ساپ بولماسلىق قاتارلىق گەۋدىلىك مەسىلىلەر تېخى تۈپتىن ھەل بولغىنى يوق. پارتىيە ئىچىدە پارتىيەنى ئومۇميۈزلۈك قاتتىق ئىدارە قىلىشقا قارىتا يەنىلا مۈجمەل تونۇش ۋە خاتا سۆزلەر مەۋجۇت، بۇنىڭغا يەنە ئۆز نۆۋىتىدە تېخىمۇ كۈچلۈك بولغان پارتىيەنى باشقۇرۇش، پارتىيەنى ئىدارە قىلىش ئەمەلىيىتى بىلەن جاۋاب قايتۇرۇشقا توغرا كېلىدۇ. بىز جەزمەن ئۇيۇل تاشتەك ئىرادىمىز، يىمىرىلمەس جاسارىتىمىز بىلەن پارتىيەنى ئومۇميۈزلۈك قاتتىق ئىدارە قىلىشنى ئۇزاققىچە داۋاملاشتۇرۇشىمىز كېرەك.

  پارتىيەنى ئومۇميۈزلۈك قاتتىق ئىدارە قىلىشنى ئىزچىل داۋاملاشتۇرۇش ۋە ئۇنىڭدا قەتئىي تەۋرەنمەسلىكنى پۈتۈن پارتىيە دۇچ كەلگەن خەۋپ – خەتەر ۋە خىرىسنىڭ ئۇزاق مۇددەتلىكلىكى، مۇرەككەپلىكى، كەسكىنلىكى بەلگىلىگەن. بەزى پارتىيەلىك كادىرلار جۈملىدىن يۇقىرى دەرىجىلىك رەھبىرىي كادىرلار ‹‹تۆت ئىشەنچ››نى مۇستەھكەم تۇرغۇزمىدى؛ سىياسىي ئىنتىزام ۋە سىياسىي قائىدىگە خىلاپلىق قىلىش ھەتتا پارتىيەگە سادىق بولماسلىق ئەھۋالى يەنىلا مەۋجۇت؛ بەزى پارتىيە تەشكىلاتلىرى پارتىيە ئىچىدىكى سىياسىي تۇرمۇشنى چىڭ تۇتمىدى، سىياسىي ئېكولوگىيەنى ئەسلىگە كەلتۈرۈش ۋەزىپىسى مۈشكۈل؛ ‹‹تۆت خاھىش›› مەسىلىسىنىڭ قايتا باش كۆتۈرۈش يوشۇرۇن خەۋپى مەۋجۇت، چىرىكلىشىش پەيدا بولىدىغان تۇپراق تېخى تولۇق تازىلانمىدى؛ بەزى جايلاردا پارتىيەنى ئومۇميۈزلۈك قاتتىق ئىدارە قىلىشنىڭ بېسىمى جايىدا يەتكۈزۈلمىدى، ئاممىنىڭ ئىنكاسى كۈچلۈك مەسىلىلەر تېخىچە ئۈنۈملۈك نېگىزىدىن ھەل قىلىنمىدى... پارتىيە مەركىزىي كومىتېتىنىڭ چىرىكلىككە قارشى تۇرۇش كۈرىشى ۋەزىيىتىنىڭ يەنىلا كەسكىن، مۇرەككەپلىكى توغرىسىدىكى ھۆكۈمى قاراتمىلىققا ئىگە، پارتىيەنى ئومۇميۈزلۈك قاتتىق ئىدارە قىلىشتا يەنىلا ۋەزىپە مۈشكۈل، يول يىراق. دائىملاشتۇرۇش بىلەن ئۇزاق مۇددەت داۋاملاشتۇرۇش، قاتتىق بولۇش بىلەن ئەمەلىي بولۇش، چوڭقۇرلاشتۇرۇش بىلەن ئىنچىكىلەشتۈرۈشكە داۋاملىق كۈچەپ، پارتىيەنى ئومۇميۈزلۈك قاتتىق ئىدارە قىلغاندىلا ئاندىن باشقۇرۇشنى ئادەتكە ئايلاندۇرغىلى، چىڭ تۇتۇشتا ئۈنۈم ھاسىل قىلغىلى بولىدۇ.

  پارتىيەنى ئومۇميۈزلۈك قاتتىق ئىدارە قىلىشنى ئىزچىل داۋاملاشتۇرۇش ۋە ئۇنىڭدا قەتئىي تەۋرەنمەسلىك پارتىيەنىڭ قوشۇن ۋە ئۆز ئەھۋالىدا زور ھەم چوڭقۇر ئۆزگىرىش بولغانلىقى بىلەن زىچ مۇناسىۋەتلىك. ھازىر پارتىيە ئەزالىرى قوشۇنىدا قۇرۇلمىلىق ئۆزگىرىش بولدى، ئىسلاھات، ئېچىۋېتىشتىن كېيىن ئەزا بولغان پارتىيە ئەزالىرى پارتىيە ئەزالىرى ئومۇمىي سانىنىڭ %80ىگە يېقىنلاشتى، 60 –، 70 – يىللاردا تۇغۇلغان پارتىيە ئەزالىرى رەھبىرىي كادىرلارنىڭ ئاساسىي گەۋدىسىگە ئايلاندى، 80 – ، 90 – يىللاردا تۇغۇلغان پارتىيە ئەزالىرى تەدرىجىي ئۆسۈپ يېتىلدى. بۇ يولداشلارنىڭ ئەۋزەللىكى ئوقۇش تارىخى بىر قەدەر يۇقىرى، بىلىمى مول، تېتىك، لېكىن ئۇلاردا پارتىيە ئىچىدىكى سىياسىي تۇرمۇشتا قاتتىق چېنىقىش ۋە جاپالىق مۇھىتقا بەرداشلىق بېرىش سىنىقى كەمچىل. بەزى ئاساسىي قاتلام پارتىيە تەشكىلاتلىرىنىڭ ئاپپارات تەسىس قىلىش شەكلى ۋە پائالىيەت شەكلى دەۋر قەدىمىگە ئەسلا يېتىشەلمىدى، ‹‹ئۈچ يىغىن، بىر دەرس››تە شەكىلۋازلىق قىلىش، پارتىيە ئىچىدىكى تەشكىلىي تۇرمۇشتا ئىختىيارىيلىشىش، سۇسلىشىش، كۆڭۈل ئېچىش، چاكىنىلىشىش مەسىلىسى گەۋدىلىك. بىز ۋەزىيەتنىڭ تەرەققىيات ئۆزگىرىشى، پارتىيە ئەزالىرى قۇرۇلمىسىنىڭ چوڭقۇر ئۆزگىرىشىگە پائال ماسلىشىپ، پارتىيە تەشكىلاتىنىڭ سىياسىي ئىقتىدارى ۋە تەشكىلىي ئىقتىدارىنى كۈچەيتىپ، كەسكىن سىياسىي تۇرمۇشتا تاۋلىنىپ، يېڭى دەۋر، يېڭى تەلەپكە ئۇيغۇنلىشىش يېڭى ماھارىتى ۋە ئىقتىدارىنى ئۆستۈرۈشىمىز كېرەك.

  پارتىيە 19 – قۇرۇلتىيى دوكلاتىدا مۇنداق تەكىتلەندى: ‹‹ئۆزى ئۈستىدە دادىل ئىنقىلاب قىلىپ، پارتىيەنى قاتتىق باشقۇرۇش، پارتىيەنى قاتتىق ئىدارە قىلىش ـــ پارتىيەمىزنىڭ ئەڭ روشەن خىسلىتى››. مەسىلە يۆنىلىشىدە چىڭ تۇرۇپ، ئىستراتېگىيەلىك ئىرادىنى ساقلاپ، باشتىن – ئاخىر بېلىمىزنى چىڭ باغلىغاندىلا، پارتىيەنىڭ ئۆزى ئۈستىدە ئىنقىلاب قىلىشى ئارقىلىق پارتىيەنىڭ خەلققە رەھبەرلىك قىلىپ ئۇلۇغ ئىجتىمائىي ئىنقىلاب قىلىشىغا تۈرتكە بولۇپ، ئومۇميۈزلۈك ھاللىق جەمئىيەت قۇرۇپ چىقىشنىڭ ھەل قىلغۇچ غەلىبىسىنى قولغا كەلتۈرۈش، جۇڭخۇا مىللىتىنىڭ ئۇلۇغ گۈللىنىشىنى ئىشقا ئاشۇرۇشنى كۈچلۈك سىياسىي كاپالەت بىلەن تەمىنلىيەلەيمىز.

  (شىنخۇا ئاگېنتلىقى، بېيجىڭ، 1 – ئاينىڭ 14 – كۈنى تېلېگراممىسى)

مەنبە: تەڭرىتاغ تورىدىن ئېلىندى.

ئالدىنقىلارغا ۋارىسلىق قىلىپ، كېيىنكىلەرگە يول ئېچىپ، پارتىيەنى ئومۇميۈزلۈك قاتتىق ئىدارە قىلىشنىڭ ياخشى تەجرىبىلىرىنى ئىگىلەيلى

مۇھەررىر:پەرغانە غوپۇر|مەنبە:شىنجاڭ گېزىتى2018/01/14 16:36

  − باش شۇجى شى جىنپىڭنىڭ 19- نۆۋەتلىك مەركىزىي ئىنتىزام تەكشۈرۈش كومىتېتىنىڭ 2- ئومۇمىي يىغىنىدا قىلغان سۆزىنىڭ روھىنى ئۆگىنىش، ئىزچىللاشتۇرۇش توغرىسىدا (2)

«خەلق گېزىتى» ئوبزورچىسى

      پارتىيەنى ئومۇميۈزلۈك قاتتىق ئىدارە قىلىش پارتىيە مەركىزىي كومىتېتىنىڭ 18- قۇرۇلتايدىن بۇيانقى پارتىيەنى باشقۇرۇش، پارتىيەنى گۈللەندۈرۈش، دۆلەتنى ئىدارە قىلىش، ھاكىمىيەت يۈرگۈزۈشتىكى زور سىياسىي نەتىجىسى؛ توپلىغان تەجرىبىسى، يېڭىلىق ياراتقان ئۇسۇلى بولۇپ، پارتىيەمىزنىڭ يېڭى تارىخىي پەللىدە داۋاملىق ئىلگىرىلىشىدىكى قىممەتلىك بايلىقى.

  «ئىدىيە جەھەتتە پارتىيە قۇرۇش بىلەن پارتىيەنى تۈزۈم ئارقىلىق ئىدارە قىلىشنىڭ بىرلىكىدە چىڭ تۇرۇش، بۇرچ يېتەكچىلىكى بىلەن مەسىلە يۆنىلىشىنىڭ بىرلىكىدە چىڭ تۇرۇش، <ھالقىلىق ئاز سانلىق>لارنى تۇتۇش بىلەن <مۇتلەق كۆپ سانلىق>لارنى باشقۇرۇشنىڭ بىرلىكىدە چىڭ تۇرۇش، ھوقۇق يۈرگۈزۈش بىلەن مەسئۇلىيەتنى زىممىگە ئېلىشنىڭ بىرلىكىدە چىڭ تۇرۇش، قاتتىق باشقۇرۇش بىلەن كۆڭۈل بۆلۈش، ئىشىنىشنىڭ بىرلىكىدە چىڭ تۇرۇش، پارتىيە ئىچىدىكى نازارەتچىلىك بىلەن ئامما نازارەت قىلىشنىڭ بىرلىكىدە چىڭ تۇرۇش كېرەك». باش شۇجى شى جىنپىڭ 19- نۆۋەتلىك مەركىزىي ئىنتىزام تەكشۈرۈش كومىتېتىنىڭ 2- ئومۇمىي يىغىنىدا «ئالتىنىڭ بىرلىكى» ئارقىلىق پارتىيە 18- قۇرۇلتىيىدىن بۇيانقى پارتىيەنى ئومۇميۈزلۈك قاتتىق ئىدارە قىلىشنىڭ مۇھىم تەجرىبىلىرىنى سىستېمىلىق ھەم چوڭقۇر يەكۈنلىدى. بۇ ئىلمىي يەكۈن پارتىيەمىزنىڭ پارتىيەنى ئومۇميۈزلۈك قاتتىق ئىدارە قىلىشنىڭ قانۇنىيىتىگە بولغان تونۇشىنى يېپيېڭى يۈكسەكلىككە كۆتۈرۈپ، يېڭى دەۋردىكى پارتىيە قۇرۇلۇشىدىن ئىبارەت يېڭى ئۇلۇغ قۇرۇلۇشنى ئىلگىرى سۈرۈشنى مۇھىم قوللانما بىلەن تەمىنلىدى.

  ئۆزى ئۈستىدىن دادىل ئىنقىلاب قىلىپ، پارتىيەنى قاتتىق باشقۇرۇش، پارتىيەنى قاتتىق ئىدارە قىلىش پارتىيەمىزنىڭ ئەڭ روشەن خىسلىتى. پارتىيە 18- قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتى دىققەتنى پارتىيەنى ئومۇميۈزلۈك قاتتىق ئىدارە قىلىش كۈچلۈك بولماسلىقتىن ئىبارەت بۇ تۈگۈنگە قارىتىپ، پارتىيەنى باشقۇرۇش، پارتىيەنى ئىدارە قىلىشتىكى بوشاڭلىق، چېچىلاڭغۇلۇق، يۇمشاق قوللۇق خاھىشىنى قەتئىي ئۆزگەرتىپ، ئىدىيەدە قاتتىق بولۇش، پارتىيەنى باشقۇرۇشتا قاتتىق بولۇش، ئىنتىزامنى ئىجرا قىلىشتا قاتتىق بولۇش، ئەمەلدارلارنى باشقۇرۇشتا قاتتىق بولۇش، ئىستىلدا قاتتىق بولۇش، چىرىكلىككە قارشى تۇرۇشتا قاتتىق بولۇشتا چىڭ تۇرۇپ، مەنبەدىن ياخشىلاپ، نىشاننى توغرىلاپ، پۈتكۈل پارتىيەنىڭ توغرا يۆنىلىشنى بويلاپ ئىلگىرىلىشىگە كاپالەتلىك قىلىپ، ئىنقىلابىي چېنىقىش جەريانىدا تېخىمۇ قەيسەرلىشىشى، يېڭى قۇدرەتلىك ھاياتىي كۈچىنى ئۇرغۇتۇشىغا تۈرتكە بولۇپ، پارتىيە ۋە دۆلەت ئىشلىرىنىڭ تەرەققىياتىنى كۈچلۈك سىياسىي كاپالەتكە ئىگە قىلدى. پارتىيەنى ئومۇميۈزلۈك قاتتىق ئىدارە قىلىشتا بۇنچىۋالا ئاجايىپ نەتىجىلەرنى قولغا كەلتۈرەلىشىمىزنىڭ ئاچقۇچى دەل شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، بىر تەرەپتىن، پارتىيەمىز تارىخىدىكى ئۈنۈملۈك ياخشى تەجرىبە، ياخشى ئۇسۇللارنى ئەۋج ئالدۇرۇشتا چىڭ تۇرغانلىقىمىزدا، يەنە بىر تەرەپتىن، يېڭى ۋەزىيەتتىكى ۋەزىپە ۋە ئەمەلىي تەلەپلەرگە بىرلەشتۈرۈپ كۈچەپ يېڭىلىق يارىتىپ، پارتىيەنى باشقۇرۇش، پارتىيەنى ئىدارە قىلىش قانۇنىيىتىگە بولغان تونۇشىمىزنى ئۈزلۈكسىز چوڭقۇرلاشتۇرۇپ، يېڭى تەجرىبىلەرنى ياراتقانلىقىمىزدا. نېگىزىدىن ئېيتقاندا، دەل «ئالتىنىڭ بىرلىكى»دە چىڭ تۇرغانلىقىمىزدا.

  «ئالتىنىڭ بىرلىكى» ھەم تەجرىبە خاراكتېرلىك خۇلاسە، ھەم قانۇنىيەتلىك تونۇش؛ ھەم پىرىنسىپال يۆنىلىش، ھەم كونكرېت تۇتقا، چوقۇم ئۇزاققىچە چىڭ تۇرۇپ، ئۈزلۈكسىز چوڭقۇرلاشتۇرۇش كېرەك. ئىدىيە جەھەتتە پارتىيە قۇرۇش بىلەن پارتىيەنى تۈزۈم ئارقىلىق ئىدارە قىلىشنىڭ بىرلىكىدە چىڭ تۇرۇشتا ھەم ئىدىيە مەسىلىسىنى ھەل قىلىش، ھەم تۈزۈم مەسىلىسىنى ھەل قىلىش كېرەك، ئىككىسىگە تەڭ كۈچەش، بىرلا ۋاقىتتا كۈچەش كېرەك. بۇرچ يېتەكچىلىكى بىلەن مەسىلە يۆنىلىشىنىڭ بىرلىكىدە چىڭ تۇرۇشتا ھەم مەۋقەنى ھازىرغا قويۇپ، مەسىلىگە ئۇدۇل يۈزلىنىش، ھەم كەلگۈسىگە نەزەر تاشلاپ، ئېگىزدە تۇرۇپ يىراقنى كۆزلەپ، ئامما نارازى بولۇۋاتقان مەسىلىلەرنى ھەل قىلىشقا كۈچەش، بىر تۇتاش پىلانلاش، يۇقىرى قاتلامدىن لايىھەلەشكە تىرىشىش كېرەك. «ھالقىلىق ئاز سانلىق»لارنى تۇتۇش بىلەن «مۇتلەق كۆپ سانلىق»لارنى باشقۇرۇشنىڭ بىرلىكىدە چىڭ تۇرۇشتا ھەم «مۇتلەق كۆپ سانلىق»لارنى قاتتىق تەربىيەلەپ، قاتتىق ئىنتىزام بىلەن باشقۇرۇش، ھەم «ھالقىلىق ئاز سانلىق»لارغا تېخىمۇ يۇقىرى، تېخىمۇ قاتتىق ئۆلچەم قويۇپ، ئۇلارنى تېخىمۇ قاتتىق باشقۇرۇش ۋە نازارەت قىلىپ تۇتۇپ تۇرۇش كېرەك. ھوقۇق يۈرگۈزۈش بىلەن مەسئۇلىيەتنى زىممىگە ئېلىشنىڭ بىرلىكىدە چىڭ تۇرۇشتا پارتىيەنى باشقۇرۇش، پارتىيەنى ئىدارە قىلىش سىياسىي مەسئۇلىيىتىنى ئەمەلىيلەشتۈرۈشنى ھەقىقىي تۈپ سىياسىي مەسئۇلىيەت قىلىپ، «مەسئۇلىيەت»كە چىڭ ئېسىلىپ، «جاۋابكارلىقنى سۈرۈشتۈرۈش»تىن ئىبارەت بۇ مۇھىم ھالقىنى چىڭ تۇتۇش كېرەك. قاتتىق باشقۇرۇش بىلەن كۆڭۈل بۆلۈش، ئىشىنىشنىڭ بىرلىكىدە چىڭ تۇرۇشتا ئىنتىزامنى ئالدىنقى ئورۇنغا قويۇپ، ھەقىقىي باشقۇرۇش، ھەقىقىي قاتتىق بولۇش، باشقۇرۇشقا، قاتتىق بولۇشقا جۈرئەت قىلىش، ئۇزاققىچە باشقۇرۇش، ئۇزاققىچە قاتتىق بولۇشتا چىڭ تۇرۇش، ئۆتمۈشتىن ساۋاق ئېلىپ كېيىنكىلەرگە ئىبرەت قىلىش، كېسەلنى داۋالاپ ئادەم قۇتقۇزۇش فاڭجېنىنى ئىزچىللاشتۇرۇپ، ئىشلارنى بالدۇر، كىچىكىدىن باشلاپ تۇتۇپ، بىخ ھالىتىدە يوقىتىش كېرەك. پارتىيە ئىچىدىكى نازارەتچىلىك بىلەن ئامما نازارەت قىلىشنىڭ بىرلىكىدە چىڭ تۇرۇشتا پارتىيە ئىچىدىكى نازارەتچىلىك ئارقىلىق باشقا نازارەتچىلىككە تۈرتكە بولۇپ، خەلقنىڭ چارە- تەدبىر كۆرسىتىش، تەنقىدلەش، نازارەت قىلىش يوللىرىنى پائال راۋانلاشتۇرۇپ، ئامما نازارەت قىلىش، جامائەت نازارەت قىلىشنىڭ رولىنى تولۇق جارى قىلدۇرۇش كېرەك.

  پەيلاسوپلار «تەجرىبە مەڭگۈ توختىمايدىغان سېيالكا» دېگەن. ياخشى چارىلەردە چىڭ تۇرۇپ، يېڭى چارىلەرنى بارلىققا كەلتۈرۈپ، يېڭى تەجرىبىلەرنى تېپىپ، داۋاملىق غەيرەت قىلىپ، ئالدىنقىلارغا ۋارىسلىق قىلىپ، كېيىنكىلەرگە يول ئاچساقلا، بۇنىڭدىن كېيىنكى كۈرەشلىرىمىزدە پارتىيەمىزنىڭ ئۆزىنى ئۆزى ساپلاشتۇرۇش، ئۆزىنى ئۆزى مۇكەممەللەشتۈرۈش، ئۆزىنى ئۆزى يېڭىلاش، ئۆزىنى ئۆزى يۈكسەلدۈرۈش ئىقتىدارىنى ئۈزلۈكسىز ئاشۇرۇپ، پارتىيەمىزنى باشتىن- ئاخىر دەۋرنىڭ ئاۋانگارتى، مىللەتنىڭ تۈۋرۈكىگە، ماركسىزملىق ھاكىمىيەت يۈرگۈزگۈچى پارتىيەگە ئايلاندۇرالايمىز.

(شىنخۇا ئاگېنتلىقى، بېيجىڭ، 13- يانۋار تېلېگراممىسى)

مەنبە: تەڭرىتاغ تورىدىن ئېلىندى.

ۋەزىيەتكە بېقىپ ئىش كۆرۈپ، پارتىيەنى ئومۇميۈزلۈك قاتتىق ئىدارە قىلىشتا يېڭى ۋەزىيەت يارىتىش كېرەك

مۇھەررىر:پەرغانە غوپۇر|مەنبە:شىنجاڭ گېزىتى2018/01/14 16:09

  − باش شۇجى شى جىنپىڭنىڭ 19- نۆۋەتلىك مەركىزىي ئىنتىزام تەكشۈرۈش كومىتېتى 2- ئومۇمىي يىغىنىدا قىلغان سۆزىنىڭ روھىنى ئۆگىنىش، ئىزچىللاشتۇرۇش توغرىسىدا (1)

«خەلق گېزىتى» ئوبزورچىسى

        يېڭى دەۋردە پارتىيەمىز چوقۇم يېڭى كەيپىيات، يېڭى نەتىجە يارىتىشى كېرەك، بۇ يېڭى كەيپىيات، يېڭى نەتىجە ئالدى بىلەن پارتىيەنى ئومۇميۈزلۈك قاتتىق ئىدارە قىلىشتا يېڭى ۋەزىيەت يارىتىشتا ئىپادىلىنىدۇ.

  19- نۆۋەتلىك مەركىزىي ئىنتىزام تەكشۈرۈش كومىتېتىنىڭ 2- ئومۇمىي يىغىنى پارتىيە 19- قۇرۇلتىيىنىڭ روھىنى ئومۇميۈزلۈك ئىزچىللاشتۇرۇش، ئەمەلىيلەشتۈرۈش، پارتىيەنى ئومۇميۈزلۈك قاتتىق ئىدارە قىلىشنى چوڭقۇر ئىلگىرى سۈرۈشتىكى بىر قېتىملىق مۇھىم يىغىن. يىغىندا باش شۇجى شى جىنپىڭ يېڭى دەۋردىكى پارتىيە ۋە دۆلەت ئىشلىرىنىڭ تەرەققىيات ئومۇمىيىتى يۈكسەكلىكىدە تۇرۇپ، پارتىيە 19- قۇرۇلتىيىنىڭ پارتىيەنى ئومۇميۈزلۈك قاتتىق ئىدارە قىلىش توغرىسىدىكى ئىستراتېگىيەلىك ئورۇنلاشتۇرمىسىنى چوڭقۇر شەرھلىدى، پارتىيە 18- قۇرۇلتىيىدىن بۇيانقى پارتىيەنى ئومۇميۈزلۈك قاتتىق ئىدارە قىلىشنىڭ مۇھىم تەجرىبىلىرىنى يەنىمۇ يەكۈنلىدى، پارتىيە دۇچ كەلگەن خەۋپ- خەتەر ۋە خىرىسنى چوڭقۇر تەھلىل قىلدى، ھازىرقى ۋە بۇنىڭدىن كېيىنكى بىر مەزگىلدىكى پارتىيەنى ئومۇميۈزلۈك قاتتىق ئىدارە قىلىشنىڭ باش تەلىپى ۋە ئاساسلىق ۋەزىپىسىنى ئېنىق ئوتتۇرىغا قويۇپ، مەڭگۈ داۋاملاشتۇرىدىغان جاسارەت بىلەن پارتىيەنى ئومۇميۈزلۈك قاتتىق ئىدارە قىلىشنى چوڭقۇرلاشتۇرۇپ، پارتىيەنى ئومۇميۈزلۈك قاتتىق ئىدارە قىلىشتا يېڭى ۋەزىيەت يارىتىش كېرەكلىكىنى تەكىتلىدى. باش شۇجىنىڭ مۇھىم سۆزى ئېگىزدە تۇرۇپ يىراقنى كۆزلىگەن، تىنچ شارائىتتىمۇ خەۋپ- خەتەرنى ئويلىغان، مەزمۇنى مول، مۇھىم نۇقتا تۇتۇلغان سۆز بولۇپ، ھەم پارتىيەمىزنىڭ ئۆزى ئۈستىدە دادىل ئىنقىلاب قىلىشتىكى خىتابنامىسى، ھەم پارتىيەنى ئومۇميۈزلۈك قاتتىق ئىدارە قىلىشنىڭ چوڭقۇر تەرەققىياتىغا تۈرتكە بولىدىغان سەپەرۋەرلىك بۇيرۇقىدۇر.

  بازغانچىنىڭ بېلى چىڭ بولۇشى كېرەك. جۇڭگوچە سوتسىيالىزم يېڭى دەۋرگە كىردى، پارتىيەمىز خەلقنى ئىتتىپاقلاشتۇرۇپ ۋە يېتەكلەپ، ئۇلۇغ كۈرەش قىلىش، ئۇلۇغ ئىشنى ئالغا سىلجىتىش، ئۇلۇغ ئارزۇنى ئەمەلگە ئاشۇرۇشتا پارتىيە قۇرۇلۇشىدىن ئىبارەت يېڭى ئۇلۇغ قۇرۇلۇشنى قىلچە تەۋرەنمەي ئىلگىرى سۈرۈشى شەرت.

  ئۆتكەنكى پەۋقۇلئاددە بەش يىلغا نەزەر سالساق، پارتىيەمىز قەتئىي نىيەت، مۇستەھكەم ئىرادە بىلەن پارتىيەنى ئومۇميۈزلۈك قاتتىق ئىدارە قىلىشنى مىسلىسىز ئىلگىرى سۈردى، پارتىيە ۋە دۆلەت ئىشلىرىنىڭ تارىخىي مۇۋەپپەقىيەتلەرنى قولغا كەلتۈرۈشىگە، تارىخىي ئۆزگىرىشلەرنى ياسىشىغا تۈرتكە بولدى، بۇ، پارتىيە، دۆلەت، مىللەتكە مۆلچەرلىگۈسىز چوڭقۇر تەسىر كۆرسەتتى. پارتىيە 18- قۇرۇلتىيىدىن بۇيان، بوشاشماي تىرىشىش ئارقىلىق پارتىيەنى ئومۇميۈزلۈك قاتتىق ئىدارە قىلىش ئىنتايىن ياخشى ئاساسقا ئىگە بولدى، بىز ۋەزىيەتكە قاراپ ئىش كۆرۈپ، پارتىيەنىڭ ئۇزاق مۇددەتلىك ھاكىمىيەت يۈرگۈزۈش ئىقتىدارى قۇرۇلۇشى، ئىلغارلىق ۋە پاكلىق قۇرۇلۇشىنى كۈچەيتىشتىن ئىبارەت ئاساسىي لىنىيەنى پۇختا ئىگىلەپ، ئومۇميۈزلۈك قاتتىق ئىدارە قىلىش ئارقىلىق پارتىيەنى ياخشى، كۈچلۈك قىلىپ قۇرۇپ چىقساقلا، «تۆت ئۇلۇغ» ئومۇمىيەتنى ئىگىلەپ، پارتىيەمىزنىڭ باشتىن- ئاخىر دەۋرنىڭ ئالدىدا ماڭىدىغان، خەلق چىن دىلىدىن ھىمايە قىلىدىغان، ئۆزى ئۈستىدە دادىل ئىنقىلاب قىلىدىغان، تۈرلۈك بوران- چاپقۇننىڭ سىنىقىغا بەرداشلىق بېرەلەيدىغان، غەيرەت- جاسارەتكە تولغان ماركسىزملىق ھاكىمىيەت بېشىدىكى پارتىيەگە ئايلىنىشىغا كاپالەتلىك قىلىپ، ئومۇميۈزلۈك ھاللىق جەمئىيەت قۇرۇپ چىقىشتا قەتئىي غەلىبە قىلىپ، سوتسىيالىستىك زامانىۋىلاشقان دۆلەتنى ئومۇميۈزلۈك قۇرۇشنى كۈچلۈك كاپالەت بىلەن تەمىنلىيەلەيمىز.

  پارتىيەنى ئومۇميۈزلۈك قاتتىق ئىدارە قىلىشنى مىنۇت- سېكۇنتمۇ بوشاشتۇرۇپ قويۇشقا بولمايدۇ، بۇ پارتىيەنى باشقۇرۇش، پارتىيەنى ئىدارە قىلىشتىكى تەجرىبە- ساۋاقلارنىڭ چوڭقۇر يەكۈنى. توغرا سىياسەت- فاڭجېنلاردا ئۈنۈم يارىتىشنىڭ مۇھىم نۇقتىسى چىڭ تۇرۇشتا، قىيىن نۇقتىسىمۇ چىڭ تۇرۇشتا. ئىسلاھات، ئېچىۋېتىلگەندىن بۇيانقى ئەمەلىيەت شۇنى ئىسپاتلىدىكى، پارتىيەنى باشقۇرۇش، پارتىيەنى ئىدارە قىلىشنى چىڭ تۇتۇشقا بولىدۇكى، بوشاشتۇرۇپ قويۇشقا بولمايدۇ، ئۇنداق بولمايدىكەن پارتىيە ئىستىلى، پاكلىق قۇرۇلۇشىنى كۈچەيتىش ۋە چىرىكلىككە قارشى تۇرۇش كۈرىشى يېرىم يولدا توختاپ قېلىپ، ئەجرىمىز يوققا چىقىدۇ، ناتوغرا ئىستىل ۋە چىرىكلىك قايتىدىن باش كۆتۈرۈپ، خورىكى تېخىمۇ ئۆسىدۇ؛ پارتىيە ئىچى ۋە جەمئىيەتتە ئىدىيەۋى مالىمانچىلىق كېلىپ چىقىپ، ئاممىنىڭ پارتىيەگە بولغان ئىشەنچىسى ۋە ئىشىنىشى تەسىرگە ئۇچرايدۇ. پارتىيە 18- قۇرۇلتىيىدىن بۇيان پارتىيەنى ئومۇميۈزلۈك قاتتىق ئىدارە قىلىشتا كۆرۈنەرلىك ئۈنۈم ھاسىل قىلىندى، شۇنىڭ بىلەن بىللە، شۇنىمۇ كۆرۈش كېرەككى، بۇ پارتىيەنى ئومۇميۈزلۈك قاتتىق ئىدارە قىلىشتىكى بىر ياخشى باشلىنىش خالاس، پارتىيەنى ئومۇميۈزلۈك قاتتىق ئىدارە قىلىشنىڭ تاماملىنىشىغا تېخى خېلى بار، ھەرگىزمۇ بىردە تۇتۇپ، بىردە بوشاشتۇرۇپ قويىدىغان، مەسىلە كۆرۈلگەندە تۇتۇپ، ئاندىن يەنە بوشاشتۇرۇپ قويىدىغان دەۋرىيلىككە پېتىپ قالماسلىقىمىز، چوقۇم پارتىيەنى ئومۇميۈزلۈك قاتتىق ئىدارە قىلىشنىڭ چوڭقۇر تەرەققىياتىغا داۋاملىق تۈرتكە بولۇشىمىز كېرەك. پارتىيەنى ئومۇميۈزلۈك قاتتىق ئىدارە قىلىشتا جەزمەن پارتىيەنىڭ ئومۇميۈزلۈك رەھبەرلىكىدە چىڭ تۇرۇش ۋە ئۇنى كۈچەيتىش كېرەك. جۇڭگوچە سوتسىيالىزمنىڭ ئەڭ ماھىيەتلىك ئالاھىدىلىكى جۇڭگو كوممۇنىستىك پارتىيەسىنىڭ رەھبەرلىكى، پارتىيەنى ئومۇميۈزلۈك قاتتىق ئىدارە قىلىشنىڭ يادروسى پارتىيە رەھبەرلىكىنى كۈچەيتىش. پارتىيە رەھبەرلىكىدە چىڭ تۇرۇشتا ئەڭ مۇھىمى پارتىيە مەركىزىي كومىتېتىنىڭ نوپۇزى ۋە مەركەزلىك بىر تۇتاش رەھبەرلىكىدە چىڭ تۇرۇش شەرت. پارتىيە نىزامنامىسىدە «تۆتكە بويسۇنۇش» بەلگىلەندى، بۇنىڭدا ئەڭ مۇھىمى پۈتۈن پارتىيەنىڭ بارلىق تەشكىلاتلىرى ۋە بارلىق ئەزالىرى پارتىيەنىڭ مەملىكەتلىك قۇرۇلتىيىغا ۋە مەركىزىي كومىتېتقا بويسۇنۇشى كېرەك؛ پارتىيە مەركىزىي كومىتېتى «تۆت ئاڭ»نى تەكىتلىدى، بۇنىڭدا ئەڭ مۇھىمى پارتىيە مەركىزىي كومىتېتىنىڭ نوپۇزى ۋە مەركەزلىك بىر تۇتاش رەھبەرلىكىنى قەتئىي قوغداش كېرەك. بۇ قۇرۇق شوئار ئەمەس، ئىپادە بىلدۈرۈپلا توختاپ قالماي، ھەرىكەتتە ئەمەلىيلەشتۈرۈپ، ئاڭلىق ھالدا پارتىيە مەركىزىي كومىتېتىنىڭ تەشەببۇسىغا قەتئىي ئاۋاز قوشۇپ، پارتىيە مەركىزىي كومىتېتىنىڭ قارارىنى قەتئىي ئىجرا قىلىپ، پارتىيە مەركىزىي كومىتېتى مەنئى قىلغاننى قەتئىي قىلماسلىق، پارتىيە مەركىزىي كومىتېتىنىڭ تەدبىر- ئورۇنلاشتۇرمىلىرىنى ئىجرا قىلىشتا شەرت قويماسلىق، كېمەيتىۋەتمەسلىك، ئۆزگەرتىۋەتمەسلىك كېرەك.

  ۋەزىيەتكە بېقىپ ئىش كۆرگەنلەر، ھەممە ئىشتا غەلىبە قىلىدۇ. ئەمەلىيەت شۇنى ئىسپاتلىدىكى، جۇڭگو كوممۇنىستىك پارتىيەسى خەلققە رەھبەرلىك قىلىپ ئۇلۇغ ئىجتىمائىي ئىنقىلاب قىلدى، يەنە ئۆزى ئۈستىدىمۇ ئۇلۇغ ئىنقىلاب قىلدى. شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، ۋەزىيەتكە بېقىپ ئىش كۆرۈپ، پارتىيەنى ئومۇميۈزلۈك قاتتىق ئىدارە قىلىشتا يېڭى ۋەزىيەت ياراتقاندىلا، پارتىيەمىز خەلقنى يېتەكلەپ زور خىرىسلارغا ئوڭۇشلۇق تاقابىل تۇرۇپ، زور خەۋپ- خەتەرنىڭ ئالدىنى ئېلىپ، زور توسالغۇلارنى يېڭىپ، زور زىددىيەتلەرنى ھەل قىلىپ، ئۈزلۈكسىز غەلىبىسېرى ئىلگىرىلىيەلەيدۇ.

(شىنخۇا ئاگېنتلىقى، بېيجىڭ، 12- يانۋار تېلېگراممىسى)

مەنبە: تەڭرىتاغ تورىدىن ئېلىندى.

 «ئىنتېرنېت دەۋرى» جۇڭگونىڭ ئىنتېرنېتنى تۇنجى بولۇپ ئومۇميۈزلۈك، سىستېمىلىق، چوڭقۇر، ئوبيېكتىپ ھالدا شەرھىيەلەپ بەرگەن چوڭ تىپتىكى ھۆججەتلىك فىلىم بولۇپ، پۈتۈن فىلىم جەمئىي 10 قىسىم، ھەر بىر قىسىمى 50 مىنۇتتىن. بۇ فىلىم ئوبيېكتىپ نەزەر، يارقىن تەسۋىرلەر ئارقىلىق، ئىنتېرنېتنىڭ ئىنسانىيەتنىڭ ئىقتىساد، مەدەنىيەت، جەمئىيەت، سىياسىي، ئىنسان خاراكتېرى قاتارلىق ھەرقايسى تەرەپلەردىكى ئىسلاھاتى نامايان قىلىنغان. ئىنتېرنېت يېتەكچىلىكىدىكى ئىسلاھات دەۋرچانلىققا ئىگە بولۇپ، بۇ فىلىم تارىخ تۇيغۇسى، دەۋر ئېڭى بىلەن تۈرلۈك ئۆزگىرىشلەرنىڭ ئارقا كۆرۈنۈشىدىكى ماھىيىتى ئۈستىدە ئىزدىنىپ، ئىنتېرنېتنىڭ كەلگۈسى تەرەققىياتىنىڭ ئېھتىماللىقى ۋە ئىنسانىيەت جەمئىيىتى، ئىنسانىيەت مەدەنىيىتىگە كۆرسەتكەن چوڭقۇر تەسىرى مۇھاكىمە قىلىنغان.

2003-يىلى 10-ئاينىڭ 26-كۈنى ئانا تىلىمىزدىكى تۇنجى ئېلېكترون لۇغىتى ـ خەنزۇچە، ئىنگلىزچە، ئۇيغۇرچە A33 تىپلىق لۇغەت تەتقىق قىلىنىپ ياساپ چىقىلدى. 
2004-يىلى 9-ئاينىڭ 20-كۈنى مەخسۇس خەنزۇ تىلى ئۆگەنگۈچىلەرنى ئاساسىي ئىشلىتىش ئوبيېكتى قىلغان 2-ئەۋلاد ئىرپان ئېلېكترون لۇغىتى ـ ئۇيغۇرچە خەنزۇچە قوش تىللىق لۇغەت UC233 رەسمىي بازارغا سېلىندى. بۇ لۇغەت <ھازىرقى زامان خەنزۇ تىلى لۇغىتى> نى ئاساسىي سۆز مەنبەسى قىلغان. بۇنىڭغا خەنزۇچە-خەنزۇچە، خەنزۇچە-ئۇيغۇرچە، ئۇيغۇرچە-خەنزۇچە، شۇنداقلا مەنىداش ۋە قارشى مەنىلىك سۆزلەر لۇغىتى ۋە سەۋىيە سىناش ئىمتىھانى سۆزلۈكلىرى.... قاتارلىق مول مەزمۇنلار كىرگۈزۈلگەن. 

新公网安备 65010202000452号